CMATI

Vostede está en:
|
|
|
Compartir

O Instituto de Estudos do Territorio traslada o traballo de España ante a Comisión Europea de Cartografía

Técnicos do IET -dependente da Consellería de Medio Ambiente, Territorio e Vivenda- viaxaron a asemblea xeral de ‘Eurogeographics’, celebrada esta semana na República checa

Galicia representou ante este grupo á Comisión Territorial, que é o órgano do Consello Superior Xeográfico de España que coñece e informa os proxectos e disposicións que afectan á ordenación do Sistema Cartográfico Nacional
 

Santiago, 12 de outubro de 2018.- O Instituto de Estudos do Territorio vén de trasladar o traballo de España á Comisión Europea de Cartografía, dentro das actividades e encontros da Asemblea xeral de Eurogeographics -que se celebrou esta semana na República Checa- e na que técnicos do IET participaron como representantes da Comisión Territorial, que é o órgano do Consello Superior Xeográfico de España que coñece e informa os proxectos e disposicións que afecten á ordenación do Sistema Cartográfico Nacional e no que se atopan representadas as comunidades autónomas. Cómpre lembrar que o IET ostenta esta representación desde o novembro do pasado ano, por un período de 4 anos.

Grazas á participación nesta asemblea, o IET -dependente da Consellería de Medio Ambiente, Territorio e Vivenda, terá coñecemento de primeira man dos proxectos e traballos que se están a realizar noutros países no eido da información xeográfica, a cartografía, a topografía, o catastro e o rexistro de terras, ao tempo que trasladará as necesidades das distintas rexións de España.

Este encontro propiciará recibir información sobre novas tecnoloxía aplicadas á xestión catastral e de terras, ao uso da información oficial e á reutilización da información pública, así como o acceso a información xeográfica capturada polos novos programas de observación da terra mediante satélites de alta resolución.

Desde o Goberno galego consideran esta representación unha oportunidade, xa que EuroGeographics é unha organización internacional independente no que se escoitan as voces das autoridades nacionais europeas de cartografía, catastro e rexistro de terras. Esta organización ten como obxectivos trasladar á sociedade a importancia dos datos xeoespaciais, así como o acceso aos mesmos e o mantemento de redes de intercambio de coñecemento e boas practicas entre os seus membros. Están representadas 63 organizacións de 46 estados, o que supón ao redor do 90 % dos organismos responsables de cartografía, catastro e rexistro de terras.

Asemade, o IET dará traslado das conclusións e os aspectos máis destacados abordados durante a celebración desta asemblea xeral na próxima reunión da Comisión Territorial do Consello Superior Xeográfico, que terá lugar o próximo 25 de outubro, e nas próximas xornadas de cartografía das Comunidades Autónomas (JOCCAS) que se celebrará nas Illas Baleares dentro do marco das Xornadas Ibéricas de Infraestruturas de Datos Espaciais (JIIDE 2018).
 

Departamentos relacionados

  • Gabinete de comunicación

  • Correo-e: prensa.mot@xunta.es